Deuteronomio 28:15-19

Magandang Balita Biblia

Ang Ibubunga ng Pagsuway^(A)

¹⁵ “Subalit kung hindi kayo makikinig kay Yahweh na inyong Diyos at hindi susunod sa kanyang mga utos at mga tuntuning ibinibigay ko sa inyo ngayon, mangyayari sa inyo ang mga sumpang ito:

¹⁶ “Susumpain niya kayo, ang inyong mga lunsod at ang inyong mga bukid.

¹⁷ “Susumpain niya ang imbakan ng inyong inaning butil at ang mga pagkaing nagmumula roon.

¹⁸ “Susumpain niya kayo at magkakaroon lamang kayo ng iilang anak, mahinang ani, at kaunting alagang hayop.

¹⁹ “Mabibigo kayo sa lahat ng inyong gagawin.