Deuteronomio 14:8-10

Ang Salita ng Dios (Tagalog Contemporary Bible)

⁸ Huwag din ninyong kakainin ang baboy, dahil kahit biyak ang kuko nito, hindi naman nginunguya ang kinakain nito. Huwag ninyong kakainin ang mga hayop na ito o hahawakan ang kanilang patay na katawan.

⁹ “Pwede ninyong kainin ang anumang hayop na nabubuhay sa tubig na may mga palikpik at mga kaliskis. ¹⁰ Pero huwag ninyong kainin ang walang palikpik at kaliskis. Ituring ninyo itong marumi.