Deuteronomio 30:10-12

Ang Salita ng Dios (Tagalog Contemporary Bible)

¹⁰ Mangyayari ito kung susundin ninyo ang Panginoon na inyong Dios at tutuparin ang lahat ng utos niya at tuntuning nakasulat sa Aklat ng Kautusan, at kung manunumbalik kayo sa kanya nang buong pusoʼt kaluluwa.

¹¹ “Hindi mahirap unawain at gawin ang mga utos na ito na ibinibigay ko sa inyo ngayon. ¹² Wala ito sa langit para magtanong kayo, ‘Sino ba ang aakyat sa langit para kunin ito at ipahayag sa atin upang masunod natin?’