Deuteronomio 31:27-29

Ang Biblia (1978)

²⁷ Sapagka't talastas ko ang iyong panghihimagsik, at ang iyong ^(A)matigas na ulo: narito, nabubuhay pa akong kasama ninyo, sa araw na ito, ^(B)kayo'y naging mapanghimagsik laban sa Panginoon: at gaano pa kaya pagkamatay ko?

²⁸ Pulungin mo ang mga matanda sa iyong mga lipi at ang inyong mga pinuno upang masalita ko ang mga salitang ito sa kanilang pakinig, ^(C)at matawag ang langit at ang lupa na pinakasaksi laban sa kanila.

²⁹ Sapagka't talastas ko na pagkamatay ko, ^(D)kayo'y mangagsisisama at mangaliligaw sa daan na aking itinuro sa inyo; at ang kasamaan ay sasapit sa inyo sa mga huling araw; sapagka't inyong gagawin yaong masama sa paningin ng Panginoon, ^(E)upang ipamungkahi niya kayo sa kagalitan sa pamamagitan ng mga gawa ng inyong mga kamay.