Deuteronomio 33:11-13

Magandang Balita Biblia (with Deuterocanon)

¹¹ Palakasin mo nawa, Yahweh, ang kanyang angkan,
    paglilingkod niya'y iyong pahalagahan.
Durugin mong lahat ang kanyang kaaway,
    upang di na makabangon kailanman.”

“Mahal ka ni Yahweh at iniingatan,
sa buong maghapon ika'y binabantayan,
at sa kanyang mga balikat ika'y mananahan.”

“Pagpalain nawa ni Yahweh ang kanilang lupain,
    sa hamog at ulan ay palaging diligin,
    at tubig mula sa lupa ay pabukalin.