Deuteronomio 33:2-4

Magandang Balita Biblia

² “Dumating si Yahweh mula sa Bundok Sinai.
    Sumikat sa Edom na parang araw,
    at sa bayan niya'y nagpakita sa Bundok Paran.
Sampung libong anghel ang kanyang kasama,
    nagliliyab na apoy ang nasa kanang kamay niya.
³ Minamahal ni Yahweh ang kanyang bayan^[a]
    at iniingatan ang kanyang hinirang.
Kaya't yumuyukod kami sa kanyang paanan,
    at sinusunod ang kanyang kautusan.
⁴ Binigyan kami ni Moises ng kautusan,
    na siyang yaman ng aming bayan.