Deuteronomio 9:12-14

Ang Biblia (1978)

¹² At sinabi ng Panginoon sa akin, ^(A)Tumindig ka, manaog kang madali rito; sapagka't ang iyong bayan na iyong inilabas sa Egipto ay nangagpakasama; ^(B)sila'y madaling lumihis sa daang aking iniutos sa kanila; sila'y nagsigawa para sa kanila ng isang larawang binubo.

^13 (C)Bukod dito'y sinalita sa akin ng Panginoon, na sinasabi, Aking nakita ang bayang ito, at, narito, isang bayang matigas ang ulo:

^14 (D)Bayaan mo ako na aking lipulin sila, at ^(E)aking pawiin ang kanilang pangalan sa silong ng langit; at ^(F)gagawin kita na isang bansang lalong makapangyarihan at lalong malaki kay sa kanila.