Deuteronomio 9:15-17

Ang Salita ng Dios (Tagalog Contemporary Bible)

¹⁵ “Kaya bumaba ako mula sa naglalagablab na bundok, dala ang dalawang malalapad na bato kung saan nakasulat ang tuntunin ng kasunduan. ¹⁶ At nakita ko ang pagkakasala nʼyo sa Panginoon na inyong Dios. Gumawa kayo ng dios-diosang guya.^[a] Napakadali ninyong tumalikod sa mga iniutos ng Panginoon sa inyo. ¹⁷ Kaya sa harapan ninyo, ibinagsak ko ang dalawang malalapad na bato at nabiyak ang mga ito.