Ebre 5:10-12

Nouvo Testaman: Vèsyon Kreyòl Fasil

¹⁰ Wi, Bondye etabli Jezi granprèt nan menm liy ak Mèlkisedèk.

Atansyon: Pa abandone lafwa!

¹¹ Nou gen anpil lòt koze pou nou di sou sijè sa a. Men nou gen difikilte pou nou ta di yo paske nou vin tèlman lou pou nou konprann. ¹² Nan moman kote n ap pale la a, nou te dwe tounen mèt deja. Poutan nou bezwen moun anseye nou premye nosyon Pawòl Bondye yo toujou. Nou pako gran ase pou yo ban nou manje solid.