Ecclesiastico 14:17-19

Magandang Balita Biblia (with Deuterocanon)

¹⁷ Ang katawan ng tao ay malulumang parang damit,
    ayon sa matandang kautusan tayong lahat ay mamamatay.
¹⁸ Tayong mga tao ay parang mga dahon ng isang malagong punongkahoy,
    habang may nalalaglag ay mayroong umuusbong;
mayroon sa ating namamatay at mayroon namang isinisilang.
¹⁹ Masisirang lahat ang ginawa ng kamay ng tao,
    at pati ang may gawa ay kasama nilang maglalaho.