Ecclesiastico 27:5-7

Magandang Balita Biblia (with Deuterocanon)

⁵ Ang gawa ng magpapalayok ay sa hurno nasusubok,
    ang pagkatao ng sinuma'y makikita sa kanyang pangangatuwiran.
⁶ Sa^(A) bunga ng punongkahoy nakikilala ang ginagawang pag-aalaga;
    sa pangungusap ng isang tao, damdamin niya'y nahahalata.
⁷ Huwag mo munang pupurihin ang isang tao hanggang hindi nagsasalita,
    sapagkat doon mo pa makikilala ang tunay niyang puso't diwa.