Ecclesiastico 44:15-17

Magandang Balita Biblia (with Deuterocanon)

¹⁵ Matatanyag sa mga bansa ang kanilang karunungan,
    at patuloy silang pararangalan ng buong sambayanan.

¹⁶ Namuhay^(A) si Enoc ayon sa kalooban ng Panginoon, at siya'y buháy na dinala ng Diyos sa langit,
    upang maging halimbawa ng pagsisisi sa susunod na mga salinlahi.

¹⁷ Si^(B) Noe ay natagpuang matuwid at tapat,
    kaya't naligtas siya sa galit ng Panginoon.
At dahil sa kanya'y may natirang tao sa lupa,^[a]
    nang gunawin ang daigdig sa pamamagitan ng baha.