Ecclesiastico 45:3-5

Magandang Balita Biblia (with Deuterocanon)

³ Doon sa Egipto, sa isang salita niya'y dumating^[a] ang pagkawasak,
    at dinakila siya sa harapan ng mga hari.
Ibinigay sa kanya ng Panginoon ang Kautusan para sa kanyang bayan,
    at pinakitaan siya ng kanyang kaluwalhatian.
⁴ Pinili siya dahil sa kanyang katapatan at kababaang-loob,
    at ibinukod mula sa karamihan.
⁵ Ipinarinig sa kanya ng Diyos ang kanyang tinig,
    at dinala siya sa maitim na ulap.
Iniabot sa kanya ang Kautusan,
    ang batas na nagbibigay-buhay at pang-unawa.
Upang ituro niya sa lahi ni Jacob ang kahulugan ng Kasunduan,
    at malaman ng buong Israel ang kanyang mga utos.