Ecclesiastico 46:12-14

Magandang Balita Biblia (with Deuterocanon)

¹² Nawa'y manariwa uli ang mga buto nila sa libingan,
    at muling mabuhay ang mararangal nilang pangalan
    sa pamamagitan ng kanilang mga supling.

¹³ Si^(A) Samuel ay kinalulugdan ng Panginoon.
    Bilang propeta ng Diyos, itinatag niya ang kaharian
    at siya ring humirang sa mga maghahari sa Israel.
¹⁴ Pinamahalaan niya ang buong Israel ayon sa Kautusan ng Panginoon,
    at sa panahon ng kanyang pamumuno, itinaguyod ng Panginoon ang Israel.