Ecclesiastico 6:17-19

Magandang Balita Biblia (with Deuterocanon)

¹⁷ Ang may paggalang sa Panginoo'y makakatagpo ng tapat na kaibigan,
    at ang mga kaibigan niya'y tulad niyang may paggalang sa Panginoon.

¹⁸ Anak, mula pa sa iyong kabataan pahalagahan mo na ang Karunungan,
    at kapag tumanda ka'y patuloy mo siyang makakamtan.
¹⁹ Linangin^(A) mo ang Karunungan gaya ng ginagawa ng magsasaka sa kanyang bukirin,
    at mag-aani ka nang masagana;
magpagod kang sumandali sa pag-aalaga sa kanya,
    at lalasap ka ng masarap niyang bunga.