Eclesiastes 8:10-12

Ang Biblia (1978)

¹⁰ At gayon din nakita ko ang masama na nakalibing, at nagsidating sa hukay; at silang nagsigawa ng matuwid ay nagsialis sa dakong banal, at nalimutan sa bayan: ito man ay walang kabuluhan.

¹¹ Sapagka't ang hatol laban sa masamang gawa ay ^(A)hindi isinasagawa agad, kaya't ang puso ng mga anak ng mga tao ay lubos na nangalalagak sa paggawa ng kasamaan.

¹² Bagaman ang makasalanan ay gumawa ng kasamaan na makaisang daan, at humaba ang kaniyang buhay, gayon ma'y tunay, na talastas ko, ^(B)na ikabubuti nilang nangatatakot sa Dios, na nangatatakot sa harap niya: