Eclesiastes 8:15-17

Ang Biblia (1978)

¹⁵ Nang magkagayo'y ^(A)pinuri ko ang kalayawan, sapagka't ang tao ay walang maiging bagay sa ilalim ng araw, kundi ang kumain, at uminom, at magsaya: sapagka't tatahang kasama niya sa kaniyang gawa lahat ng mga kaarawan ng kaniyang buhay na ibinigay ng Dios sa kaniya sa ilalim ng araw.

Ang hiwaga ng mga gawa ng Panginoon.

¹⁶ Nang aking ikiling ang aking puso upang makaalam ng karunungan, ^(B)at upang makakita ng gawain na ginagawa sa lupa: (sapagka't may hindi nakakakita ng tulog ng kahit araw o gabi man ng kaniyang mga mata:)

¹⁷ Namasdan ko nga ang lahat ng gawa ng Dios, na hindi matalastas ^(C)ng tao ang gawa na ginagawa sa ilalim ng araw: sapagka't sikaping mainam man ng tao na hanapin, ay hindi rin masusumpungan; oo, bukod dito, bagaman isipin ng pantas na maalaman ^(D)hindi rin niya masusumpungan.