Ester 2:11-13

Magandang Balita Biblia (with Deuterocanon)

¹¹ Araw-araw namang nagpupunta si Mordecai sa bulwagan ng harem upang alamin ang kalagayan ni Ester.

¹² Bilang tuntunin, isang taon munang pagagandahin ang mga babae: anim na buwan silang pinapahiran ng langis at mira, at anim na buwan ding nilalagyan ng pabango at iba pang pampaganda. ¹³ Pagkatapos, isa-isa silang inihaharap sa hari.