Exodo 12:34-36

Ang Biblia (1978)

³⁴ At dinala ng bayan ang kanilang masa bago humilab, na nababalot ang kanilang mga masa sa kanikanilang damit sa ibabaw ng kanikanilang balikat.

³⁵ At ginawa ng mga anak ni Israel ayon sa salita ni Moises; at sila'y humingi sa mga Egipcio ^(A)ng mga hiyas na pilak, at mga hiyas na ginto, at mga damit:

³⁶ At pinagbiyayaan ng Panginoon ang bayan sa paningin ng mga Egipcio, ano pa't ibinigay sa kanila anomang hingin nila. ^(B)At kanilang hinubaran ang mga Egipcio.