Exodo 12:37-39

Magandang Balita Biblia

Ang Pag-alis ng mga Israelita sa Egipto

³⁷ Mula sa Rameses, naglakbay ang mga Israelita patungong Sucot; humigit-kumulang sa animnaraang libo ang mga lalaki bukod pa sa mga babae at mga bata. ³⁸ Maraming hindi Israelita ang sumama sa kanila; marami rin silang dalang tupa, kambing at baka. ³⁹ At niluto nila ang dala nilang gagawing tinapay na wala pang pampaalsa. Hindi nila ito nakuhang lagyan pa ng pampaalsa sapagkat apurahan ang kanilang pag-alis sa Egipto; wala na silang panahong magluto ng pagkain.