Exodo 2:10-12

Ang Biblia (1978)

¹⁰ At ang bata ay lumaki, at kaniyang dinala sa anak ni Faraon, at siya'y kaniyang ^(A)inaring anak. At kaniyang pinanganlang Moises,^[a] at sinabi, Sapagka't aking sinagip siya sa tubig.

Pumatay ng taga Egipto at lumayas.

¹¹ At nangyari nang mga araw na yaon, ng malaki na si Moises, na kaniyang ^(B)nilabas ang kaniyang mga kapatid, at minasdan ang atang sa kanila: at kaniyang ^(C)nakita ang isang Egipcio, na nananakit ng isang Hebreo, na isa sa kaniyang mga kapatid.

¹² At siya'y nagmasid sa magkabikabilang dako, at nang siya'y walang makitang tao, ay kaniyang pinatay ang Egipcio at kaniyang tinabunan sa buhanginan.