Exodo 21:8-10

Magandang Balita Biblia (with Deuterocanon)

⁸ Ngunit kung ang babae'y ipinagbili bilang asawa ng kanyang amo, subalit siya'y hindi nito kinaluguran, siya ay maaaring ipatubos sa kanyang mga kamag-anak. Walang karapatan ang kanyang amo na siya'y ipagbili sa mga dayuhan sapagkat hindi ito naging makatarungan sa babae. ⁹ Kung ang babae nama'y binili para sa anak ng amo, ituturing siya nito na parang tunay na anak. ¹⁰ At kung mag-asawa ng iba ang lalaki, ang babae ay patuloy na bibigyan ng kanyang pagkain, damit at patuloy na sisipingan ng kanyang asawang lalaki.