Exodo 27:17-19

Magandang Balita Biblia

¹⁷ Lahat ng poste sa bulwagan ay pagkakabitin ng baras na pilak; pilak din ang mga kawit ngunit tanso ang mga tuntungan. ¹⁸ Ang haba ng bulwagan ay 45 metro at 22 metro naman ang luwang. Ang mga tabing na pawang yari sa mamahaling lino ay 2.2 metro ang taas; ang mga patungan ay pawang tanso. ¹⁹ Lahat ng kagamitan sa tabernakulo, pati mga tulos ay panay tanso.