Exodo 35:31-33

Magandang Balita Biblia (with Deuterocanon)

³¹ Siya'y pinuspos niya ng Espiritu ng Diyos^[a] at binigyan ng kakayahan, kahusayan, at katalinuhan sa lahat ng gawaing pansining. ³² Ginawa niya ito upang makagawa siya ng magagandang disenyo at maiukit ito sa ginto, pilak o tanso. ³³ Gayundin, upang maging bihasa siya sa pagtabas ng mamahaling bato, mahusay sa paglilok, at dalubhasa sa anumang gawaing pansining.