Exodo 37:16-18

Magandang Balita Biblia (with Deuterocanon)

¹⁶ Gumawa rin siya ng mga kagamitang ginto para sa mesa: mga plato, tasa, banga at mangkok para sa handog na inumin.

Ang Ilawan^(A)

¹⁷ Gumawa rin siya ng ilawang yari sa purong ginto. Ang patungan at tagdan nito'y yari sa pinitpit na purong ginto. Ang mga palamuti nitong bulaklak, ang buko at mga talulot ay parang iisang piraso. ¹⁸ Mayroon itong anim na sanga, tigatlo sa magkabila.