Exodo 38:18-20

Magandang Balita Biblia

¹⁸ Ang kurtina sa may pintuan ay mamahaling lino at lanang kulay asul, kulay ube at kulay pula. Magandang-maganda ang burda nito. Ang haba't lapad nito'y 9 na metro, samantalang 2 metro naman ang taas, tulad ng tabing sa bulwagan. ¹⁹ Ito'y nakasabit sa apat na posteng nakapatong sa apat na tuntungang tanso. Ang mga kawit nito at balot ay pawang pilak. ²⁰ Tanso naman ang mga tulos na ginamit sa Toldang Tipanan at sa tabing ng bulwagan.