Exodo 8:13-15

Magandang Balita Biblia (with Deuterocanon)

¹³ Tinugon naman siya ni Yahweh; namatay lahat ang mga palaka sa mga bahay at mga bukid. ¹⁴ Ibinunton ng mga Egipcio ang mga patay na palaka at umaalingasaw ang baho nito sa buong Egipto. ¹⁵ Ngunit nagmatigas muli ang Faraon nang ito'y makahinga na naman nang maluwag. At tulad ng sinabi ni Yahweh, hindi pa rin siya nakinig kina Moises at Aaron.