Exodo 9:27-29

Ang Biblia (1978)

²⁷ At si Faraon ay nagsugo, at ipinatawag si Moises at si Aaron, at sinabi sa kanila, ^(A)Ako'y nagkasala ngayon: ^(B)ang Panginoo'y matuwid; at ako at ang aking bayan ay masama.

^28 (C)Dalanginan ninyo ang Panginoon; sapagka't nagkaroon na ng sukat na malalakas na kulog at granizo; at kayo'y aking payayaunin, at di ko na kayo bibinbinin.

²⁹ At sinabi ni Moises sa kaniya, Pagkalabas ko sa bayan, ay aking ^(D)ilalahad ang aking mga kamay sa Panginoon; at ang mga kulog ay titigil, at hindi na magkakaroon pa ng anomang granizo; upang iyong maalaman na ang lupa'y ^(E)sa Panginoon.