Exodus 15:16-18

Ang Salita ng Dios (Tagalog Contemporary Bible)

¹⁶ “Tunay na matatakot sila.
    Sa pamamagitan ng inyong kapangyarihan, silaʼy magiging parang bato na hindi nakakakilos,
    hanggang sa makadaan ang inyong mga mamamayan na inyong iniligtas, O Panginoon.
¹⁷ Dadalhin nʼyo ang mga mamamayan ninyo sa inyong lupain,
    at ilalagay nʼyo sila sa bundok na pagmamay-ari ninyo –
    ang lugar na ginawa nʼyong tahanan, O Panginoon,
    ang templong kayo mismo ang gumawa.
¹⁸ Maghahari kayo, O Panginoon magpakailanman.”