Exodus 37:16-18

Ang Salita ng Dios (Tagalog Contemporary Bible)

¹⁶ Gumawa rin sila ng mga kagamitang purong ginto para sa mesa: pinggan, tasa, mangkok at banga na gagamitin para sa mga handog na inumin.

Ang Paggawa ng Lalagyan ng Ilaw^(A)

¹⁷ Gumawa rin sila ng lalagyan ng ilaw na purong ginto ang paa, katawan, at palamuting hugis bulaklak na ang ibaʼy buko pa lang at ang iba naman ay nakabuka na. Ang palamuti ay kasama nang ginawa nang gawin ang katawan ng lalagyan ng ilaw. ¹⁸ Ang lalagyan ng ilaw ay may anim na sanga, tigtatatlo sa bawat gilid.