Ezekiel 16:16-18

Ang Salita ng Dios (Tagalog Contemporary Bible)

¹⁶ Ginamit mo ang iba mong damit para pagandahin ang mga sambahan sa matataas na lugar^[a] at dooʼy ipinagamit mo ang iyong sarili sa mga lalaki. Hindi ito dapat nangyari. ¹⁷ Ginamit mo rin ang mga pilak at gintong alahas na ibinigay ko sa iyo sa paggawa ng mga lalaking dios-diosan na sinamba mo. Kaya para ka na ring nangalunya. ¹⁸ Pinadamitan mo ang mga dios-diosang iyon ng mga damit na may mga burda na ibinigay ko sa iyo at inihandog mo sa kanila ang mga langis ko at insenso.