Ezekiel 16:19-21

Ang Salita ng Dios (Tagalog Contemporary Bible)

¹⁹ Inihandog mo rin sa kanila ang mga pagkaing ibinigay ko sa iyo mula sa magandang klaseng harina, pulot at langis ng olibo. Inihandog mo ito sa kanila bilang mabangong handog. Oo, iyan nga ang nangyari. Ako, ang Panginoong Dios, ang nagsasabi nito.

²⁰ “Inihandog mo ang mga anak natin sa iyong mga dios-diosan upang kainin. Hindi ka pa ba nasisiyahan sa pagpapagamit mo sa kanila? ²¹ Pinatay mo pa ang mga anak ko at inihandog sa mga dios-diosan.