Ezekiel 16:46-48

Ang Salita ng Dios (Tagalog Contemporary Bible)

⁴⁶ Ang nakatatanda mong kapatid na babae ay ang Samaria sa hilaga kasama ang mga anak niyang babae^[a] at ang nakababata mong kapatid na babae ay ang Sodom sa timog pati na ang mga anak niyang babae. ⁴⁷ Sinunod mo ang mga pag-uugali at kasuklam-suklam na gawain nila. At sa loob lang ng maikling panahon ay mas masama pa ang ginawa mo kaysa sa kanila. ⁴⁸ Ako, ang Panginoong Dios na buhay, ay nagsasabi na ang kapatid mong Sodom at ang mga anak niyang babae ay hindi gumawa ng tulad ng ginawa mo at ng mga anak mong babae.