Ezekiel 18:21-23

Ang Biblia (1978)

²¹ Nguni't kung ang masama ^(A)ay humiwalay sa kaniyang lahat na kasalanan na kaniyang nagawa, at ingatan ang lahat na aking mga palatuntunan, at gumawa ng tapat at matuwid, siya'y walang pagsalang mabubuhay, siya'y hindi mamamatay.

²² Wala sa kaniyang mga pagsalangsang ^(B)na nagawa niya na aalalahanin laban sa kaniya: sa kaniyang katuwiran na kaniyang ginawa ay mabubuhay siya.

²³ Mayroon baga akong anomang kasayahan sa kamatayan ^(C)ng masama? sabi ng Panginoong Dios: at hindi baga mabuti na siya'y humiwalay sa kaniyang lakad, at mabuhay?