Ezekiel 20:24-26

Magandang Balita Biblia (with Deuterocanon)

²⁴ sapagkat hindi nila sinunod ang aking mga tuntunin at Kautusan, hindi nila pinahalagahan ang Araw ng Pamamahinga, at nahumaling sila sa mga diyus-diyosan ng kanilang mga ninuno. ²⁵ Kaya't binigyan ko sila ng mga tuntuning hindi magdudulot sa kanila ng buhay. ²⁶ Hinayaan ko na silang mahumaling sa paghahandog sa kanilang mga diyus-diyosan. Binayaan kong ihandog nila pati ang kanilang mga panganay upang sila mismo'y mangilabot. Sa gayon, makikilala nilang ako si Yahweh.