Ezekiel 20:8-10

Ang Salita ng Dios (Tagalog Contemporary Bible)

⁸ “Pero nagrebelde sila at hindi nakinig sa akin. Hindi nila itinakwil ang kasuklam-suklam na dios-diosan ng Egipto. Kaya sinabi kong ibubuhos ko ang matinding galit ko sa kanila roon sa Egipto. ⁹ Ngunit hindi ko ito ginawa, dahil ayaw kong malagay sa kahihiyan ang pangalan ko sa mga bansa sa palibot na nakaalam na inilabas ko ang mga Israelita sa Egipto. ¹⁰ Kaya pinalaya ko sila sa Egipto at dinala sa ilang.