Ezekiel 21:14-16

Ang Salita ng Dios (Tagalog Contemporary Bible)

¹⁴ Kaya, anak ng tao, sabihin mo ang ipinasasabi ko sa iyo. Isuntok mo ang iyong kamao sa iyong palad sa galit, at kumuha ka ng espada at itaga ito ng dalawa o tatlong ulit. Ito ang tanda na marami sa kanila ang mamamatay sa digmaan. ¹⁵ Manginginig sila sa takot at maraming mamamatay sa kanila. Ilalagay ko ang espada sa pintuan ng kanilang lungsod para patayin sila. Kumikislap ito na parang kidlat at handang pumatay. ¹⁶ O espada, tumaga ka sa kaliwa at sa kanan. Tumaga ka kahit saan ka humarap.