Ezekiel 21:15-17

Ang Salita ng Dios (Tagalog Contemporary Bible)

¹⁵ Manginginig sila sa takot at maraming mamamatay sa kanila. Ilalagay ko ang espada sa pintuan ng kanilang lungsod para patayin sila. Kumikislap ito na parang kidlat at handang pumatay. ¹⁶ O espada, tumaga ka sa kaliwa at sa kanan. Tumaga ka kahit saan ka humarap. ¹⁷ Isusuntok ko rin ang aking kamao sa aking palad, nang sa gayoʼy mapawi ang galit ko. Ako, ang Panginoon, ang nagsasabi nito.”