Ezekiel 21:22-24

Ang Biblia (1978)

²² Nasa kanang kamay niya ang panghuhula sa Jerusalem, upang mag-umang ng mga pangsaksak, upang bukahin ang bibig sa pagpatay, upang itaas ang tinig sa paghiyaw, ^(A)upang mag-umang ng mga pangsaksak laban sa mga pintuang-bayan, upang maglagay ng mga bunton upang magtayo ng mga katibayan.

²³ At sa kanila ay magiging parang panghuhulang walang kabuluhan sa kanilang paningin, na ^(B)nanumpa sa kanila; nguni't ipinaa-alaala niya sa kanilang kasamaan, ^(C)upang sila'y mangahuli.

²⁴ Kaya't ganito ang sabi ng Panginoong Dios, Sapagka't inyong ipinaalaala ang inyong kasamaan, palibhasa'y ang inyong mga pagsalangsang ay nalitaw, na anopa't sa lahat ninyong gawa ay nagsilitaw ang inyong mga kasalanan; sapagka't dumating ang pagkaalaala sa inyo, kayo'y huhulihin ng kamay.