Ezekiel 24:14-16

Ang Biblia, 2001

¹⁴ Akong Panginoon ang nagsalita, ito'y mangyayari, ito'y aking gagawin. Hindi ako magpipigil, ni magpapatawad, ni magsisisi man. Ayon sa iyong mga lakad at mga gawa ay hahatulan kita, sabi ng Panginoong Diyos.”

Ang Kamatayan ng Asawa ni Ezekiel

¹⁵ Ang salita ng Panginoon ay dumating din sa akin, na sinasabi,

¹⁶ “Anak ng tao, narito, malapit ko nang alisin sa iyo sa pamamagitan ng kamatayan ang kaluguran ng iyong mga mata. Gayunma'y hindi ka tatangis, ni iiyak man, ni aagos man ang iyong mga luha.