Ezekiel 3:10-12

Magandang Balita Biblia

¹⁰ Sinabi pa niya sa akin, “Pakinggan mong mabuti at tandaan itong sasabihin ko: ¹¹ Pumunta ka sa mga kababayan mong dinalang-bihag na tulad mo. Sa makinig sila at sa hindi, sabihin mo ang ipinapasabi ko.”

¹² Ako'y itinaas ng Espiritu, at narinig ko ang ugong ng isang malakas na tinig na nagsasabi: Purihin ang kaluwalhatian ni Yahweh, ang Panginoon ng kalangitan.