Ezekiel 30:17-19

Ang Salita ng Dios (Tagalog Contemporary Bible)

¹⁷ Mamamatay sa digmaan ang mga kabataang lalaki ng Heliopolis^[a] at Bubastis,^[b] at ang mga matitirang tao sa mga lungsod na itoʼy bibihagin. ¹⁸ Kapag inalis ko na ang kapangyarihan ng Egipto, magiging madilim ang araw na iyon para sa Tapanhes. Mawawala na ang ipinagmamalaking kapangyarihan ng Egipto. Matatakpan siya ng ulap, at ang mga mamamayan sa mga lungsod niya ay bibihagin. ¹⁹ Ganyan ang magiging parusa ko sa Egipto at malalaman ng mga mamamayan niya na ako ang Panginoon.”