Ezekiel 33:1-3

Ang Salita ng Dios (Tagalog Contemporary Bible)

Ginawa ng Dios na Bantay ng Israel si Ezekiel^(A)

33 Sinabi sa akin ng Panginoon, ² “Anak ng tao, sabihin mo ito sa mga kababayan mo: Kapag ipapasalakay ko ang isang bayan, ang mga mamamayan sa lugar na iyon ay pipili ng isa sa mga kababayan nila na magiging bantay ng kanilang lungsod. ³ Kapag nakita ng bantay na iyon na paparating na ang mga kaaway, patutunugin niya ang trumpeta para bigyang babala ang mga tao.