Ezekiel 4:9-11

Magandang Balita Biblia (with Deuterocanon)

⁹ “Ngayon, kumuha ka ng trigo, sebada, bitsuwelas, lentil, batad, at espelta. Paghalu-haluin mo ito sa isang sisidlan at lutuin. Ito ang kakanin mo sa loob ng 390 araw habang ikaw ay nakahigang patagilid sa kaliwa. ¹⁰ May takda ang pagkain mo araw-araw: isang beses maghapon at mahigit na isang kilo lamang araw-araw. ¹¹ May takda rin ang iyong pag-inom: isang beses maghapon at halos isang litro lang sa isang araw.