Ezekiel 40:36-38

Ang Biblia (1978)

³⁶ Ang mga silid ng bantay niyaon, ang mga haligi niyaon, at ang mga hubog niyaon: at may mga dungawan sa loob sa palibot; ang haba ay limang pung siko, at ang luwang ay dalawang pu't limang siko.

³⁷ At ang mga haligi niyaon ay nangasa dako ng looban sa labas; at mga puno ng palma ang nangasa haligi niyaon, sa dakong ito, at sa dakong yaon: at ang sampahan ay may walong baytang.

Ang mga dulang at silid sa mga paghahandog.

³⁸ At isang silid na may pintuan ay nasa tabi ng mga haligi sa mga pintuang-daan; ^(A)doon sila naghugas ^(B)ng handog na susunugin.