Ezekiel 41:20-22

Ang Biblia, 2001

²⁰ Mula sa sahig hanggang sa itaas ng pintuan ay may nakaukit na mga kerubin at mga puno ng palma, gayon din sa pader ng templo.

Ang Dambanang Kahoy

²¹ Ang mga haligi ng pintuan ng patyo ay parisukat; at sa harapan ng banal na dako ang anyo ng isang haligi ay kagaya ng iba.

²² Ang dambana ay kahoy, tatlong siko ang taas, at ang haba ay dalawang siko, at dalawang siko ang luwang. Ang mga sulok niyon, ang patungan at mga tagiliran ay kahoy. Sinabi niya sa akin, “Ito ang mesa na nasa harapan ng Panginoon.”