Ezekiel 44:17-19

Ang Biblia (1978)

¹⁷ At mangyayari, na pagka sila'y magsisipasok sa mga pintuang-daan ng lalong loob na looban, ^(A)susuutan sila ng mga kayong linong kasuutan; at walang lanang dadaiti sa kanila, samantalang sila'y nagsisipangasiwa sa mga pintuang-daan ng lalong loob na looban, at sa loob.

¹⁸ Sila'y ^(B)mangagpupugong ng kayong lino sa kanilang mga ulo, at ^(C)mangagtatapi ng kayong lino sa kanilang mga balakang; hindi sila mangagbibigkis ng anomang nakapagpapapawis.

¹⁹ At pagka kanilang lalabasin ang mga tao sa looban sa labas, ng bahay, ^(D)kanilang huhubarin ang kanilang mga kasuutan na kanilang ipinangangasiwa, at ilalagay nila ang mga ito sa mga banal na silid; at mangagsusuot sila ng ibang mga kasuutan, upang ^(E)huwag nilang banalin ang mga tao ng kanilang mga kasuutan.