Ezekiel 48:17-19

Ang Salita ng Dios (Tagalog Contemporary Bible)

¹⁷ Napapaikutan ito ng bakanteng bahagi na 125 metro ang luwang sa kanluran, silangan, hilaga, at sa timog. ¹⁸ Sa labas ng lungsod ay may bukid na ang haba ay limang kilometro sa gawing silangan at limang kilometro rin sa gawing kanluran. Katabi ito ng banal na lupa. Ang mga ani mula sa bukid na ito ay magiging pagkain ng mga nagtatrabaho sa lungsod ¹⁹ na mula sa ibaʼt ibang lahi ng Israel. Maaari silang magtanim sa lupang ito.