Ezekiel 5:12-14

Ang Biblia (1978)

^12 (A)Ang ikatlong bahagi mo ay ^(B)mamamatay sa pamamagitan ng salot, at sa pamamagitan ng kagutom ay mauubos sila sa gitna mo; ^(C)at ang isang ikatlong bahagi ay mabubuwal sa pamamagitan ng tabak sa palibot mo; at ang ikatlong bahagi ay aking pangangalatin sa lahat ng dako, at magbubunot ako ng tabak sa likuran.

¹³ Ganito magaganap ang aking galit, at ^(D)aking lulubusin ang aking kapusukan sa kanila, at ako'y maaaliw: at kanilang malalaman na akong Panginoon ay nagsalita sa ^(E)aking pagsisikap, pagka aking naganap ang aking kapusukan sa kanila.

¹⁴ Bukod dito'y gagawin kitang kasiraan at ^(F)kapulaan, sa gitna ng mga bansa na nangasa palibot mo, ^(G)sa paningin ng lahat na nagsisidaan.