Ezra 3:7-9

Ang Biblia (1978)

⁷ Sila'y nangagbigay rin naman ng salapi sa mga kantero, at sa mga anluwagi; at ^(A)pagkain, at inumin, at langis, sa kanila na mga taga Sidon, at sa kanila na mga taga Tiro, upang mangagdala ng mga kahoy na sedro na mula sa Libano na paraanin sa dagat, hanggang sa ^(B)Joppa ^(C)ayon sa pahintulot na nangagkaroon sila kay Ciro na hari sa Persia.

Pinasimulan ang muling pagtatayo ng templo.

⁸ Nang ikalawang taon nga ng kanilang pagparoon sa bahay ng Dios sa Jerusalem, sa ikalawang buwan, nangagpasimula si ^(D)Zorobabel na anak ni Sealthiel, at si Jesua na anak ni Josadec, at ang nalabi sa kanilang mga kapatid na mga saserdote at mga Levita, at silang lahat na nagsipanggaling sa Jerusalem na mula sa pagkabihag; at inihalal ang mga Levita, mula sa ^(E)dalawang pung taong gulang na patanda upang magsipamahala sa gawain sa bahay ng Panginoon.

⁹ Nakatayo nga si Jesua na kasama ng kaniyang mga anak, at ng kaniyang mga kapatid, si Cadmiel at ang kaniyang mga anak, ang mga anak ni ^(F)Juda, na magkakasama, upang magsipamahala sa mga manggagawa sa bahay ng Dios: ang mga anak ni Henadad, na kasama ng kanilang mga anak at ng kanilang mga kapatid na mga Levita.